काठमाडौं । इलाम २ को मतगणना जारी रहँदा कांग्रेस उम्मेदवार डम्बर खड्काको झिनो अग्रतामा आएको छ । फाकफोकथुम गाउँपालिका वडा नम्बर १, २ र ३ को मतगणना सकिँदा खड्काले १६४३ मतका साथ अग्रता कायम राखेका छन् ।
एमालेका सुहाङ नेम्वाङले १६०१ मतका साथ पछ्याइरहेका छन् । यसअघि वडा नम्बर १ मा डेढ सय बढीको अग्रता लिएका खड्का वडा नम्बर २ मा पुग्दा ८२ मतले अगाडि थिए । वडा नम्बर ३ बाट उनी मात्र ४२ मतले अघि छन् । १ र २ वडा कांग्रेसले जितेका हुन् ।
तर, २ र ३ नम्बर वडामा सुहाङले कांग्रेसको भन्दा बढी मत पाएपछि अग्रता साँघुरिएको हो । सो वडाबाट एमालेले ५२९, कांग्रेसले ४८८, स्वतन्त्र उम्मेदवार डकेन्द्र थेगिमले १२४ र रास्वपाका मिलन लिम्बुले ९४ मत पाएका थिए । तीन वडाको मत गणना सकिदा कांग्रेस १६४३, एमाले १६०१, मुडा ४३७ र घण्टीले ३०५ मत पाएका छन् ।
प्रकाशित मिति : २०८१ बैशाख १६ गते आइतवार
