१६ वैशाख, काठमाडौं । वेष्ट इण्डिज ‘ए’ विरुद्ध नेपालले तेस्रो सफलता हात पारेको छ । नेपालका सागर ढकालले एउटै ओभरमा दुई विकेट लिए भने कुशल भुर्तेलले तेस्रो विकेट लिए । टस हारेर पहिले फिल्डिङ गरेको नेपालका लागि तेस्रो ओभरमा ढकालले दुई विकेट लिएका हुन् । उनले २.२ ओभरमा अलिक एथानाजेलाई कुशल मल्लबाट क्याच आउट गराएका थिए ।
लगत्तै २.५ ओभरमा जोनसन चार्लेसलाई ढकालले बोल्ड गरे । ढकालले तेस्रो ओभरमा एक रन मात्रै दिंदा वेष्ट इण्डिजले दुई विकेट गुमाएर १८ रन बनाएको छ । भुर्तेलले वेष्ट इण्डिज ए का कप्तान रोस्टन चेश लाई आउट गराए ।
प्रकाशित मिति : २०८१ बैशाख १६ गते आइतवार
