काठमाडौं । फिल्म जीवन पर्दामा हेर्दा निक्कै राम्रो र शानदार लाग्छ । तर पर्दा भित्रका सत्यताले हामी स्वयंलाई दुखी बनाउँछ । यी अभिनेत्रीले गर्भावस्थाको बेला बलात्कारको दृश्य खिचेकी थिइन् । फिल्मकै दौरानमा दिग्गज अभिनेत्रीले पनि आफ्नी छोरीको मृत्युको शोक भोग्नुपरेको थियो ।
७०–८० को दशककी यी अभिनेत्री विवाहपछि फिल्म क्षेत्रमा प्रवेश गरेकी थिइन् । उनले आफ्नो निर्दोषता र दमदार अभिनयले सबैलाई पागल बनाएकी थिइन् । यी अभिनेत्रीले आफ्नो व्यावसायिक जीवनमा जति सफलता हासिल गरिन्, उनको व्यक्तिगत जीवन पनि उस्तै उतार चढावले भरिएको थियो । गर्भावस्थामा पनि उनले दुर्घटनाबाट गुज्रनु परेको थियो ।
यी दिग्गज नायिका अरु कोही नभएर मौसमी चटर्जी हुन् । उनको जन्म २६ अप्रिल १९४८ मा पश्चिम बंगालको कोलकातामा भएको थियो । १६ वर्षको उमेरमा मौसमी १० कक्षामा पढ्दै थिइन । त्यही बेला उनको विवाह जयन्त मुखर्जीसँग भयो ।
विवाह पछि, उनले बंगाली फिल्म बालिका वधुबाट आफ्नो अभिनय करियर सुरु गरिन् । १८ वर्षको उमेरमा उनले एक छोरीलाई जन्म दिइन् । सन् १९७२ मा मौसमीले अनुराग फिल्मबाट बलिउडमा प्रवेश गरेकी थिइन् । यो फिल्मपछि मौसमीको बलिउडमा करियर सुरु भयो ।
एक पटक फिल्मको सुटिङका क्रममा दुर्घटना भयो । त्यो बेला मौसमी गर्भवती थिइन् । यो कुरा अभिनेत्री स्वयमले एक अन्तर्वार्तामा खुलाएकी थिइन् । फिल्म रोटी कपडा और मकानको सुटिङका क्रममा मौसमीले आफू गर्भवती भएको बताएकी थिइन् ।
फिल्ममा चटर्जीको भूमिका बलात्कार पीडित तुलसीको रहेको थियो । फिल्मको बलात्कार दृश्यको सुटिङका क्रममा गम्भीर दुर्घटना भएको उनले खुलाएकी छिन् । मिडिया रिपोर्टका अनुसार अभिनेत्रीमाथी सुटिङका क्रममा उनको शरीरमा ठूलो मात्रामा पीठो खसेको थियो । उनी अग्लो स्थानबाट तल झरेकी थिइन् । त्यही बेला उनको गर्भपतन नभए पनि अत्याधिक रक्तश्राव भएको थियो । पछि उनले छोरीलाई जन्म दिइन् ।
मौसमी चटर्जीले आफ्नो जीवनमा धेरै उतारचढाव भोगेकी थिइन् । उनले ठूली भएकी छोरी गुमाउनु परेको शोक भाग्नु पर्यो । मिडिया रिपोर्टका अनुसार मौसमीकी छोरी मधुमेह रोगी थिइन् । उनको स्वास्थ्य निकै बिग्रिएको थियो । यो संसार छाड्नुअघि पनि अभिनेत्रीकी छोरी साढे दुई वर्ष कोमामा थिइन् । मौसमीकी छोरी पायलको सन् २०१९ मा निधन भएको थियो । छोरीको बिदाइले मौसमीलाई निकै स्तब्ध बनायो ।
