२२ चैत, काठमाडौं । नेपालले cमा जारी एसएमएस फ्रेन्डसिप टी–२० क्रिकेट प्रतियोगिताकाे फाइनलमा गुजरातसँग खेल्ने भएको छ । नेपाल र गुजरातबीचको फाइनल खेल आइतबार हुनेछ । बिहीबार गुजरातले बरोडालाई ५७ रनले हराउँदै फाइनलमा स्थान बनाएको हो । नेपालले शुक्रबार अन्तिम खेल बरोडासँग खेल्नेछ । तर सुरुवाती तीन खेलमा जितेर नेपाल फाइनलमा पुगिसकेको छ ।
नेपाल ३ खेलमा ६ अंकका साथ शीर्ष स्थानमा छ । गुजरात ४ खेलमा २ जित र २ हारका साथ ४ अंक बनाएर साथ दोस्रो स्थानमा छ । बरोडा भने ३ खेलमा अंकविहीन हुँदै पुछारमा छ ।
नेपालले पहिलो खेलमा गुजरातलाई ८ विकेट, दोस्रो खेलमा बरोडालाई २७ रन र तेस्रो खेलमा गुजरातलाई नै ८ रनले हराएको थियो । अर्को सातादेखि ओमानमा एसीसी प्रिमियर कप टी–२० प्रतियोगिता हुँदैछ । प्रिमियर कपको विजेताले टी–२० विश्वकपपछि हुने एसिया कप खेल्न पाउनेछ । नेपाल त्यसैको तयारीको लागि भारत भ्रमणमा छ ।
प्रिमियर कपमा नेपालको समूह ए मा मलेसिया, हङकङ, कतार र साउदी अरेबिया छन् । अर्को समूहमा ओमान, युएई, बहराइन, कम्बोडिया र कुवेत छन् ।
