कपिलवस्तु, चैत १८ गते । कपिलवस्तुको महाराजगन्ज नगरपालिका–२ का अध्यक्ष उजेर अलि घुससहित पक्राउ परेका छन् । अख्तियार दुरुपयोग अनुसन्धान आयोग बुटवलको टोलीले आइतबार उनलाई वडा कार्यालयबाट नियन्त्रणमा लिएको हो ।
अलिले सेवाग्राहीसँग घर बाटो सिफारिस गर्ने नाममा घुस लिएको अवस्थामै उनी पक्राउ परेका हुन् । अख्तियारको टोलीले कार्यकक्षबाट घुससहित पक्राउ गरेको आयोगको कार्यालय बुटवलका सूचना अधिकारी तथा उपसचिव भेषराज रिजालले जानकारी दिए । उजेरबाट घुसवापत लिएको १५ हजार रकमसमेत बरामद गरिएको छ ।
प्रकाशित मिति : २०८० चैत्र १८ गते आइतवार
