काठमाडौं । त्रिकोणात्मक टि–२० क्रिकेट शृङ्खलाअन्तर्गत नेपालले नेदरल्यान्डमाथि ६ विकेटको शानदार जित निकालेको छ ।
नेदरल्यान्डले दिएको १२१ रनको सामान्य लक्ष्य पछ्याएको नेपालले १५ ओभर ३ बलमा ४ विकेट गुमाएर पूरा गर्दै ६ विकेटको शानदार जित निकालेको हो । योसँग नेपालको फाइलन खेल्ने सम्भावना बलियो बनेको छ । नेपालका जितमा कप्तान रोहित पौडेल र गुल्सन झाले उत्कृष्ट साझेदारी गरे । २७ रनमा २ विकेट गुमाएको नेपाललाई कप्तान रोहित र गुल्सनले ८६ रनको उत्कृष्ट साझेदारी गर्दै जिततर्फ डोर्याएका हुन् ।
जितसँगै नेपालले सिरिजको फाइनलमा पुग्ने सम्भावना कायम राखेको छ। अंक तालिकामा नेपाल र नेदरल्याण्ड्सको समान ४/४ अंक भएको छ। भोलिको खेलमा नामिबियालाई नेदरल्याण्ड्सले हराउन सके नेपाल फाइनलमा पुग्नेछ। भोलिको खेलमा नेदरल्याण्ड्स पराजित भएमा रन रेटका आधारमा फाइनल खेल्ने टिमको टुंगो लाग्नेछ।
