काठमाडौं । वाफ महिला च्याम्पियनसिप अन्तर्गत जोर्डन विरुद्ध उपाधि भिडन्तको खेलमा नेपालले पहिलो गोल गरेको छ । जेद्दास्थित प्रिन्स अब्दुल्लाह अल फैजल स्पोर्ट्स सिटी स्टेडियममा भइरहेको फाइनल खेलमा नेपालले जोर्डनलाई १–० ले पछि पारेको हो । खेलमा सविता राना मगरले उत्कृष्ट गोल गरिन् । पहिलो हाफका लागि अब मात्र १५ मिनेट बाँकी छ ।
नेपाल र जोर्डन जारी प्रतियोगिताका दुई अपराजित टोली हुन् । साविक विजेता समेत रहेको जोर्डन वाफको ५ पटकको च्याम्पियन हो । नेपालले पहिलो पटक यो प्रतियोगिता खेल्ने मौका पाएको हो ।
प्रकाशित मिति : २०८० फाल्गुन १७ गते बिहिवार
