काठमाडौं । आईसिसी विश्वकप लिग–२ अन्तर्गत नामिबियाविरुद्ध नेपालले लगातार दोस्रो हार व्यहोरेको छ। बुधबार भएको खेलमा नामिबियाले नेपालमाथि २ विकेटको जित दर्ता गरेको हो। नेपाल पहिलो खेलमा नामिबियासँग ४ विकेटले पराजित भएको थियो। लिगको अन्तिम खेलमा नेपालले आइतबार नेदरल्याण्डस्सँग खेल्नेछ।
नेपालले दिएको १ सय ६९ रनको सामान्य लक्ष्य नामिबियाले ४० ओभरमा ८ विकेटको क्षतिमा भेट्टायो। नामिबियाका लागि कप्तान गेहार्ड इरासमसले बनाएको ५२ रन नै सर्वाधिक रह्यो। ५६ बलमा ८ चौका र २ छक्का हानेका रासनमस २२ औँ ओभरको अन्तिम बलमा करण केसीको हातबाट क्याच आउट भए।
कुशलले नै २९ औँ ओभरको चौथो बलमा जान निकोललाई ५ रन बनाउँदा विकेटकिपर आशिफ शेखको हातबाट आउट गराए। त्यसअघि कुशलले नै कप्तान गअेहार्ड इरासमसलाई पेचेलियनको बाटो देखाएका थिए। कुशलले नै ४० औँ ओभरको पहिलो बलमा रुवेल ट्रेम्पलमेनलाई १६ रन बनाउँदा देव खनालको हातबाट क्याच आउट गराए।
माइकल भान लिगंगेन ३१ रनमा क्याच आउट भए। ३४ बलमा ४ चौका र २ छक्का हानेका माइकल कुशल मल्लको बलमा आशिफ शेखको हातबाट आउट भए। अलराउण्डर दीपेन्द्र सिंह ऐरीले १८ औँ ओभरको तेस्रो बलमा जान फ्रेलिकलाई एलबीडब्लु धरापमा पारे। कुशल मल्लले १३ औँ ओभरको पहिलो बलमा माइकल भान लिंगेनलाई ३१ रन बनाउँदा पेभेलियनको बाटो देखाए।
पाँचौँ ओभरको पहिलो बलमा कप्तान रोहित पौडेलले नामिबियाका ओपनर जिन पिएर कोट्जेलाई ३ रनमा बोल्ड आउट गरे। त्यसअघि दोस्रो ओभरको पाचौँ बलमा ओपनर निकोलस डेभिन ८ रन बनाउँदा रन आउट भए। नेपालका लागि कुशल भुर्तेलले ३ विकेट लिए। दिपेन्द्र सिंह ऐरि, रोहित पौडेल, ललित राजवंशीले समान एक विकेट लिए।
त्यसअघि कीर्तिपुरस्थित त्रिवि क्रिकेट मैदानमा नामिबियाले टस जितेर फिल्डिङ रोजेपछि ब्याटिङ गरेको नेपाल ३७ ओभरमा १ सय ६८ रन बनाउँदा अलआउट भयो। ओपनर आशिफ शेख ५८ रन बनाउँदा एलबीडब्लु धरापमा परे। आशिफ २० औँ ओभरको पाँचौ बलमा ५८ रन बनाउँदा बेनार्ड स्कचको बलमा एलबीडब्लु धरापमा परे।आशिफले ६४ बलमा ८ चौका र १ छक्का हाने।
नेपालका लागि कप्तान रोहित पौडेल, देव खनाल र अनिल शाह शुन्य रनमा नै आउट भए। रोहित २४ औँ ओभरको दोस्रो बलमा शुन्य रनमा नै आउट भए। ९ बलको सामना गरेका रोहित जान निकोल लिफ्टी एटोनको बलमा क्याच आउट हुन पुगे। आशिफले १७ औँ ओभरको पाचौँ बलमा छक्का प्रहार गर्दै अर्धशतक पूरा गरे। उनले ५५ बलमा ८ चौका र १ छक्का हाने।
ओडीआईमा आशिफको यो १२ औँ अर्धशतक हो। नेपालबाट धेरै अर्धशतक हान्ने आशिफ एक्ला खेलाडी हुन्। कुशल मल्ल ३६ रन बनाउँदा क्याच आउट भए। ५२ बलमा १ चौका र ३ छक्का हानेका कुशल इरानसमसको बलमा क्याच आउट भए। करण केसी १२ रनमा क्याच आउट भए। ललित राजवंशी शुन्य रनमा नटआउट रहे।
आठौँ ओभरको अन्तिम बलमा देव खनाल शुन्य रनमा आउट भए। देव ज्याक ब्रसेल्सको बलमा क्याच आउट हुन पुगे। दिपेन्द्र सिंह ऐरि ६, सोमपाल कामी ४ रनमा आउट भए। भिम सार्की २६ रनमा बोल्ड आउट भए। नेपालले सातौँ ओभरमा दुई विकेट गुमाएको थियो। ओपनर कुशल मल्ल सातौँ ओभरको दोस्रो बलमा कुशल १८ रन बनाउँदा बेनार्ड स्कचको बलमा एलबीडब्लु धरापमा परे।
सोही ओभरको चौथो बलमा अनिल शाह पनि शुन्य रनमा नै क्याच आउट हुन पुगे। नामिबियाका लागि बेनार्ड स्कल्ट र जान निकोलले समान ४ विकेट लिए। ज्याक ब्रसेल, गेहार्ड इरासमसले एक एक विकेट आफ्नो नाममा गरे।
