काठमाडौं । काठमाडौंको जडीबुटीमा शुक्रबार राति भीषण आगलागी भएको छ। जडिबुटीको एउटा होटलमा आगलागी भएको प्रहरीले जनाएको छ। उपत्यकाका विभिन्न क्षेत्रबाट मगाइएको ४ दमकलको सहयोगमा स्थानीयसहित नेपाल प्रहरी र सशस्त्र प्रहरीले भर्खरै आगो निभाएको जिल्ला प्रहरी परिसर काठमाडौंका प्रमुख भुपेन्द्र खत्रीले जानकारी दिए।
उनले ४ वटा दमकलको सहायतामा आयो नियन्त्रणमा ल्याएको बताए । क्षतिको विवरण भने आउन बाँकी छ। उनले विद्युत सर्ट भएर आगलागी भएको अनुमान गरिएको बताए। राती साढे ८ बजेको समयतिर आगलागी सुरु भएको थियो। आगलागीबाट फर्निचरहरु जलेको बताइएको छ।
प्रकाशित मिति : २०८० फाल्गुन ४ गते शुक्रवार
