काठमाडौं । नेपाली बजारमा साताको तेस्रो कारोबार दिन अर्थात् मंगलबार सुनको मूल्य ह्वात्तै घटेको छ । आइतबारदेखि लगातार घटिरहेको सुन आज झनै घटेको हो । नेपाल सुनचाँदी व्यवसायी महासङ्घका अनुसार आइतबार तोलामा ६०० रुपैयाँले घटेको सुनको मूल्य आज सोमबार ४०० रुपैयाँले घटेको थियो ।
महासंघका अनुसार सोमबार छापावाल सुन एक लाख १८ हजार ५०० रुपैयाँ र तेजाबी सुन एक लाख १७ हजार ९५० रुपैयाँमा कारोबार भइरहेको छ । आज मंगलबार अझै घटेर छापावाल सुनको मूल्य मात्र एक लाख १८ हजार कायम भएको छ ।
गत आइतबार छापावाल सुन एक लाख १८ हजार ९०० रुपैयाँमा कारोबार भएको थियो । त्यस्तै आज चाँदीको मूल्य पनि घटेको छ । आइतबार चाँदी तोलामा २० रुपैयाँले घटेर तोलाको १३९५ रुपैयाँमा कारोबार भएकोमा सोमबार १३९० रुपैयाँमा कारोबार भएको थियो । आज मंगलबार चाँदीको मुल्य तोलामा १३७५ कायम भएको महासंघले जनाएको छ ।
