काठमाडौं । आज बुधबार पनि सुनको भाउ स्थिर रहँदा चाँदीको भाउ भने बढेको छ । आज चाँदी प्रति तोला १० रुपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रति तोला एक लाख १८ हजार चार सय रुपैयाँमा कारोबार भइरहेको छ । यसैगरी तेजाबी सुन प्रति तोला एक लाख १७ हजार आठ सय ५० रुपैयाँमा कारोबार भइरहेको छ । सुनको भाउ विगत चार दिनदेखि स्थिर रहेको छ ।
यसैगरी आज चाँदी प्रति तोला एक हजार तीन सय ८० रुपैयाँमा कारोबार भइरहेको छ ।
प्रकाशित मिति : २०८० माघ १० गते बुधवार
