काठमाडौं । आज आइतबारपनि नेपाली बजारमा सुनको मूल्य बढेको छ । आज सुनको मूल्य तोलामा ४ सय रुपैयाँले बढेर १ लाख १८ हजार ४०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
पछिल्लो कारोबार दिन शुक्रबारपनि सुनको मूल्य ५ सय रुपैयाँले बढेको थियो । शुक्रबार १ लाख १८ हजार रुपैयाँ थियो भने बिहीबार तोलाको १ लाख १७ हजार ५ सय रुपैयाँमा कारोबार भएको थियो । यस्तै आज छापावाल सुनको मूल्य १ लाख १७ हजार ८५० रहेको छ ।
आज चाँदीको मूल्य भने तोलामा ५ रुपैयाँ घटेको छ । शुक्रबार १ हजार ३ सय ९५ रुपैयाँ रहेको चाँदी आज १ हजार ३ सय ९० रुपैयाँ रहेको महासंघले जनाएको छ ।
प्रकाशित मिति : २०८० माघ ७ गते आइतवार
