काठमाडौं । यो साता नेपाली बजारमा सुनको मूल्य तोलामा ७०० रुपैयाँले बढेको छ । सुनचाँदी व्यवसायी महासङ्घका अनुसार गत साताको शुक्रवारको तुलनामा यो साताको शुक्रवार तोलामा ७०० रुपैयाँको वृद्धि आएको हो ।
महासङ्घका अनुसार गत साताको शुक्रवार छापावाल सुनको मूल्य तोलामा १ लाख १९ हजार १०० रुपैयाँ कायम थियो । यस्तै, उक्त मितिमा तेजाबी सुनको मूल्य तोलामा १ लाख १८ हजार ५५० रुपैयाँ थियो ।
जुन, यो साताको शुक्रवारसम्ममा १ लाख १९ हजार ८०० रुपैयाँ कायम भएर कारोबार बन्द भएको हो । यस्तै, हिजो शुक्रवारसम्ममा तेजाबी सुनको मूल्य तोलामा १ लाख १९ हजार २५० रुपैयाँ कायम भएको छ ।
यस्तै, यो साता चाँदीको मूल्यमा समेत तोलामा १५ रुपैयाँको वृद्धि आएको छ । महासङ्घका अनुसार गत साताको शुक्रवार चाँदीको मूल्य तोलामा १४ सय ७० रुपैयाँ थियो । जुन, यो साताको शुक्रवार १४ सय ८५ रुपैयाँ कायम भएको महासङ्घले जनाएको छ ।
