काठमाडौं । मित्र राष्ट्र कुवेतका अमिर शेख नवाफ अल अहमद अल जाबेर अल सबाको निधनप्रति नेपाल सरकार र नेपाली जनताको तर्फबाट गहिरो दुःख प्रकट गरेको छ ।
गृहमन्त्रालयका प्रवक्ता सहसचिव नारायण प्रसाद भट्टराईले एक विज्ञप्ति जारी गर्दै नेपाल सरकार र नेपाली जनताको तर्फबाट गहिरो दुःख प्रकट गर्दै कुवेत सरकार, कुवेती जनता र स्वर्गीय अमिरको परिवारजनप्रति समवेदना व्यक्त गरेका हुन् ।
उनका अनुसार स्वर्गीय अमिर शेख नवाफ अल अहमद अल जावेर अल सबाको सम्मानमा मिति २०८० पुस २ गते शोक मनाउने तथा नेपालभरका सरकारी कार्यालयहरू एवं विदेशस्थित नेपाली राजदूतावास र नियोगहरूमा राष्ट्रिय झण्डा आधा झुकाउने नेपाल सरकार (मन्त्रिपरिषद्)को मिति २०८०-०९-०१ गतेको बैठकले निर्णय गरेको छ ।
प्रकाशित मिति : २०८० पुष २ गते सोमवार
