भोजपुर । मङ्सिर १४ गते बैतडीबाट हिँडेको झुला घाट –चिवा भञ्ज्याङ्ग समृद्धिका लागि सङ्कल्प यात्रा भोजपुर पुगेको छ । यात्रामा रहेका एमाले अध्यक्ष केपी शर्मा ओली सहितको टोलीलाई भोजपुरको चखेवामा भोजपुरको टोलीले स्वागत गरेको छ ।
किराँती पहिरनमा रहेका ओलीलाई स्थानीयले ढोल झ्याम्टा सहित बाजा गाजाले स्वागत गरे । पुष्पलाल मध्यपहाडी लोक मार्ग केन्द्रित यात्रामा सहभागीलाई स्वागत गर्न गाउँ गाँउबाट सर्वसाधारण आएका छन् । ज्येष्ठ नागरिकहरूको समेत उल्लेख्य सहभागिता रहेको छ । स्वागत गर्न आएकाहरू आफ्ना जातीय पहिरन र भेष-भूषा सजिएका छन् ।
प्रकाशित मिति : २०८० मङ्सिर २७ गते बुधवार
