काठमाडौं । साताको दोस्रो दिन दिन आज सोमबार नेपाली बजारमा सुनको मूल्य फेरि ह्वात्तै बढेको छ । आज उच्च अंकमा बढेसँगै सुन र चाँदीको मूल्य हालसम्मकै उच्च मूल्यको रेकर्ड कायम भएको छ ।
आज बजारमा छापावाल सुनको मूल्य तोलामा आइतबार भन्दा ह्वात्तै बढेर १ लाख २१ हजार ६०० सय रुपैयाँ कायम भएको छ । शुक्रबार १ लाख १९ हजारमा मात्र कारोबार भएको सुन आइतबार १ लाख २० हजार आठ सय रुपैयाँ कायम भएको थियो ।
त्यस्तै शुक्रबार प्रतितोला एक लाख १८ हजार ४५० रुपैयाँमा कारोबार भएको तेजाबी सुन आइतबार एक लाख २० हजार २०० रुपैयाँ पुगेको थियो । आज आइतबार एक लाख २१ हजार पुगेको छ ।
नेपाल सुनचाँदी व्यवसायी महासंघका अनुसार आज चाँदी भने आइतबारको मूल्यमा स्थिर रहेको छ । हिजो प्रतितोला ५ रुपैयाँले बढेर एक हजार ५४५ रुपैयाँ कायम भएको थियो । जुन हालसम्मकै उच्च मूल्य हो । अघिल्लो कारोबारको दिन शुक्रबार मात्रै प्रतितोला एक हजार ५४० रुपैयाँमा कारोबार भएको थियो । बिहीबार भने चाँदी प्रतितोला एक हजार ५२० मात्र थियो ।
