काठमाडौं । भूकम्पमा जेनतेन बचेकाहरु चिसोको शिकार भइरहेका छन । अत्यधिक चिसोका कारण जाजरकोटमा अहिलेसम्म १३ जनाको मृत्यु भएको छ । पछिल्लो पटक नलगाड नगरपालिका–४, पिपलचौरमा त्रिपालमुनि बस्दै आएकी युवतीको मृत्यु भएको हो । मुटु तथा बाथरोगपीडित २८ वर्षीय धनकुमारी खत्रीको आज (बुधबार) बिहान मृत्यु भएको हो । पिपलचौरमा रहेको घर भत्किएपछि दारकाठ तह लगाउन गत कात्तिक २५ गते धनकुमारी बारेकोटबाट श्रीमान् विष्णु खत्रीसँगै आएकी थिइन् । उनीहरु त्यहाँ कैनाखोला किनारमा ८ र ४ वर्षीय छोराहरुसहित त्रिपालमा बस्दै आएका थिए ।
प्रकाशित मिति : २०८० मङ्सिर ६ गते बुधवार
