काठमाडौं । दाङमा एकै घरका दाजुभाइ रहस्यमय तरिकाले मृत भेटिएका छन । इलाका प्रहरी कार्यालय तुलसीपुरका अनुसार तुलसीपुर उपमहानगरपालिका–१६ डोक्रेना घर भइ तुलसीपुर उपमहानगरपालिका ६ गाइडहरमा कोठा भाडामा बस्दै आएका ३४ वर्षीय पूर्णबहादुर बस्नेत र भाइ ३० वर्षीय टेकबहादुर बस्नेत मृत फेला परेका हुन् ।
जानकारी अनुसार उनीहरु बस्ने घरमा घरबेटी बस्दैनथे । मृतक पूर्णबहादुर परिवारका साइला र टेकबहादुर कान्छा सन्तान हुन । मृतक टेकबहादुरकी श्रीमती रुकुम पश्चिमस्थित माइतीमा गएकाले उनी फर्केपछि मात्रै शव निकाल्ने प्रहरीको तयारी छ । आज शव निकालेर परीक्षण गरेपछि घटनाबारे थप जानकारी आउँने प्रहरीले जानकारी गरायो ।
प्रकाशित मिति : २०८० मङ्सिर ५ गते मङ्गलवार
