काठमाडौं । प्रधानमन्त्री पुष्पकमल दाहालले सरकारले सडकआश्रित मानवहरुको समुचित व्यवस्थापनका लागि विधेयक तयार गरी संघीय संसदको आउँदो अधिवेशनमा पेस गर्ने बताउनु भएको छ ।
आज काठमाडौंमा आयोजित ‘मेची–महाकाली राष्ट्रिय उद्धार यात्रा–२०८० समापन’ कार्यक्रमलाई सम्बोधन गर्दै उहाँले असहाय, अनाथ, अशक्त, जोखिममा परेका र सडकआश्रित मानवहरुको समुचित व्यवस्थापन गर्न विधेयक ल्याउन लागेको जानकारी गराउनु भएको हो ।
उहाँले मानव सेवाआश्रमलाई सरकारी तथा सार्वजनिक जग्गा, भवनको प्रयोगका लागि आवश्यक सहयोग गर्न सरकार तयार रहेको पनि स्पष्ट पार्नुभयो । प्रधानमन्त्रीले सातै प्रदेशमा आश्रमलाई अशक्त्तहरुलाई ओसार प्रसार गर्ने गाडी उपलब्ध गराउने पनि जानकारी दिनुभयो ।
प्रकाशित मिति : २०८० मङ्सिर ४ गते सोमवार
