काठमाडौं । कोसी प्रदेशको मन्त्रिपरिषद् बिस्तार गरिएको छ । आज कोसी प्रदेशका मुख्यमन्त्री केदार कार्कीले मन्त्रीपरिषद् बिस्तार गरेका हुन्।
नयाँ मन्त्रीहरूमा माओवादी केन्द्रबाट गणेश उप्रेती (सुशील) र नेकपा (एकीकृत समाजवादी) बाट कमलप्रसाद जवेगुलाई मन्त्री नियुक्त गरिएको छ। आफू मन्त्री हुन्छु भन्ने तत्काल नलागेको अवस्थामा पद पाएको उनीहरुले प्रारम्भिक प्रतिक्रिया दिएका छन् । नव नियुक्त मन्त्रीहरूले आजै प्रदेश प्रमुख पर्शुराम खापुङ समक्ष पद तथा गोपनीयताको शपथ लिएका छन्।
गत असोज २७ गते मुख्यमन्त्री नियुक्त भएका कार्कीले मन्त्रिपरिषद्मा एमालेबाट रामबहादुर राना मगर र काँग्रेसका शम्शेर राईलाई यसअघि नै मन्त्री नियुक्त गरिसकेका छन् । चारै मन्त्रीहरूको कार्य विभाजन भने अझै भएको छैन।
प्रकाशित मिति : २०८० कार्तिक १७ गते शुक्रवार
