काठमाडौं । टी—२० विश्वकप छनोट प्रतियोगितामा बिहीबार नेपाल र ओमानबिच समूहगत चरणको खेल भइरहेको छ । नेपालले टस जितेर ओमानलाई पहिलो ब्याटिङको निम्तो दिएको छ । पहिले ब्याटिङ गरेको ओमानले लगातार आफ्नो आठौँ विकेट गुमाएको छ ।
ओमानको आठौँ विकेट करण केसीले लिए । उनले ओमानका ब्याट्सम्यान नसिम खुसीलाई २५ रनको व्यक्तिगत स्कोरमा पेभेलियन फर्काएका हुन् । करणले नसिमलाई सन्दीप लामिछानेद्वारा क्याच गराए । करणले लिएको यो दोस्रो विकेट हो । नसिमले पेभेलियन फर्किनुअघि १४ बलको सामना गरी दुई छक्का र दुई चौका हिर्काएका थिए । उनी आउट हुँदा ओमानले १७.३ ओभरमा एक सय १८ रन बनाएको थियो ।
प्रकाशित मिति : २०८० कार्तिक १६ गते बिहिवार
