१२ कात्तिक, बारा । बाराको जीतपुर सिमरा उपमहानगर वडा नं २ स्थित सिमरा चोकमा बस दुर्घटना भएको छ ।
भरतपुरबाट वीरगन्ज तर्फ जाँदै गरेको ना ७ ख ४७४९ नं बस शनिवार राती करिब १२ बजे सिमरा चोकमा दुर्घटना भएको हो । सो दुर्घटनामा एक जनाको मृत्यु भएको छ भने अन्य ११ जना घाइते भएका छन् ।
जिल्ला प्रहरी कार्यालय बाराका अनुसार दुर्घटनामा मृत्यु हुनेको नाम ठेगाना खुलेको छैन् । घाइतेहरूको भने हाल वीरगन्ज स्थित बयोधा अस्पतालमा उपचार भइरहेको छ । दुर्घटनाको कारण पनि खुलेको छैन् ।
प्रकाशित मिति : २०८० कार्तिक १२ गते आइतवार
