काठमाडौं । काठमाडौँका विभिन्न स्थानमा दुई जना मृत अवस्थामा फेला परेका छन् । काठमाडौँको टोखा नगरपालिका-३ सूर्यदर्शन हाईट बस्ने नुवाकोट विदुर नगरपालिका-९ घर भएका ४९ वर्षीय दीपक खड्का आफ्नै घरमा शुक्रबार मृत अवस्थामा फेला परेका हुन् । यसैगरी काठमाडौँ महानगरपालिका-१५ बिजेश्वरी डेरा गरी बस्ने दोलखा वैतेश्वरी गाउँपालिका-१ घर भएका ३० वर्षीय अरुण लामा आफ्नै कोठामा शनिबार मृत अवस्थामा फेला परेका छन् ।
उता दार्चुलाको महाकाली नगरपालिका-४ खलंगास्थित शिवनगर खेलमैदान नजिक महाकाली कोरिडोर छेउमा सोही नगरपालिका-४ डेरा गरी बस्ने दुहुँ गाउँपालिका-२ हिकिला घर भएका ३५ वर्षीय जय राम टमटा शुक्रबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।
प्रकाशित मिति : २०८० कार्तिक ११ गते शनिवार
