काठमाडौं । नेपालका स्टार स्पिनर सन्दीप लामिछानेले त्रिकोणात्मक टी–२० आई शृङ्खला नखेल्ने घोषणा गरे । आफू जीवनकै कठिन अवस्थामा रहेकाले खेल्न नसक्ने भन्दै नाम फिर्ता लिए ।’
सन्दीप लामिछाने बिना आज यस शृङ्खलाको फाइनल खेलमा यूएईविरुद्ध नेपाललाई निक्कै कठिन भएको देखियो । टीयू क्रिकेट मैदानको भीभीआईपी स्थानमा बसेर क्यान सचिव पारस खड्कासँगै लामिछाने यो शृङ्खलाको फाइनल खेल हेरिरहेका छन् ।’
नेपालको प्रस्तुती कमजोर हुँदै गर्दा उनीहरु दुबै निक्कै निरास देखिन्थे । नेपालले जति विकेट गुमाउँथ्यो वा जति धेरै रन खान्थ्यो दुबैको अनुहार झनै कालो हुँदै आउँथ्यो । नभन्दै अन्तिम दुई बल बाँकी रहँदा दुई रन आवश्यक अवस्थामा शनसनीपूर्ण स्थिती सृजना गरेर नेपालबाट यूएईले उपाधि लग्यो । खेल नेपालले हार्नै लाग्दा उनीहरु केही कुरा गरिरहेको देखिन्थ्यो । यद्यपी घरेलु मैदानमा हुने टी–२० विश्वकप छनोट प्रतियोगिता भने सन्दीपले खेल्ने मनस्थिति बनाएका छन् ।’
