अपराध ब्यूरो । परिवार भित्र नै अवैध सम्बन्धले अन्ततः काल निम्त्याउने पक्का हुन्छ । अधिकांश घटनाले यो पुष्टि गरेको छ । यूपीको पिलिभीतमा बस्ने एक युवक आफ्नै २५ वर्षीया काकीसँग प्रेममा परे । काकीको पनि भतिजामा मन बस्यो । दुईबीच प्रेम सम्बन्ध सुरु भयो । प्रेम सम्बन्ध कहिले अवैध सम्बन्धमा परिणत भयो, कसैलाई थाहा भएन ।
काकी र भतिजाबीच चलिरहेको यो प्रेम सम्बन्धबारे काकालाई पनि थाहा थिएन । करिब एक वर्षअघि काकाले यो कुरा थाहा पाएपछि दुवैबीच झगडा सुरु भयो । त्यसपछि काकीको मायामा आफ्नै भतिजा बन्यो हत्यारा । भतिजाले काकालाई बाटोबाट धकेलेर हत्या गरिदियो । काकाको शव खेतमा फेला परेपछि हलचल मच्चियो । प्रहरीको अनुशन्धानमा तथ्य बाहिर आयो ।
खेतको छेउमा गाउँलेले शव भेटे
गजरौला थाना इलाका उगनपुर गाउँपालिकाका २८ वर्षीय नन्दलालको सोमबार बिहान ८ बजे खेतमा रगतले लतपतिएको अवस्थामा शव भेटिएको थियो । शवको सूचना पाएपछि एएसपी, सिओ सिटी र गजरौला प्रहरीले घटनास्थलको निरीक्षण गरी शवलाई पोष्टमार्टमका लागि अस्पताल पठाएको थियो । उनको मोटरसाइकल उनको शव भएको ठाउँ नजिकै पार्क गरिएको थियो । जसमा चाबी त्यही थियो। मृतक नन्दलाल उत्तराखण्डको रुद्रपुरस्थित कारखानामा मजदुरी गर्थे ।
उनकी श्रीमती बरखेडाको दौलापुर गाउँमा मासु पसलमा बस्दै आएकी थिइन् । नन्दलाल करिब तीन दिनअघि गाउँ आएका थिए । पोष्टमार्टम रिपोर्टले घाइतेको मृत्यु भएको पुष्टि गरेको छ । त्यसपछि प्रहरीले हत्या प्रकरणको खुलासा गर्न परिवारका सदस्यसँग सोधपुछ गरेको थियो । सोधपुछका क्रममा प्रहरीले मृतकका भतिजालाई शंकाको आधारमा नियन्त्रणमा लिएको थियो । सुरुमा उनले सोधपुछका क्रममा प्रहरीलाई भ्रममा पारे तर प्रहरीले कडा कारबाही गरेपछि आरोपीतले आफूले काका नन्दलालको हत्या गरेको स्वीकार गरे । उनले हत्याको कारणपनि खुलाए ।
काकी र भतिजाबीच पाँच वर्षदेखि अवैध सम्बन्ध थियो
प्रहरी सोधपुछका क्रममा अभियुक्तले काका नन्दलालकी श्रीमतीसँग अवैध सम्बन्ध रहेको पनि स्वीकार गरेका छन् । उनीहरुबीच पाँच वर्षदेखि अवैध सम्बन्ध रहेको बताइएको छ । यो कुरा काकालाई एक वर्षअघि थाहा भएको थियो, त्यसपछि मृतक र आरोपितबीच पटक–पटक झगडा भएको थियो । घटना भएको राती पनि दुई जनाबीच झगडा भएको थियो । सोही झगडामा अभियुक्तले काका नन्दलालको टाउकोमा लठ्ठी प्रहार गर्दा उनको मृत्यु भएको थियो । त्यसपछि मिलेर खेतमा लगेर फ्यालेका थिए । बाइकबाट लडेको हुनसक्ने जस्तो बनाइएको थियो । एएसपी अनिलकुमार यादवले आरोपितलाई अझै सोधपुछ गरेर हत्यामा काकीको संलग्नता बारे स्पष्ट हुने बताएका छन् ।
एक वर्षअघिदेखि काकासँग झगडा सुरु
सोधपुछका क्रममा आकाशले काका नन्दलालको हत्या गरेको स्वीकार गरेका छन् । एक वर्षअघि काकाले अवैध सम्बन्धका बारेमा थाहा पाएपछि दुवैबीच पटक–पटक झगडा भएको अभियुक्तले प्रहरीलाई बताए । घटना भएको राती पनि घरबाहिर दुई जनाबीच झगडा भएको थियो । झगडाका क्रममा अभियुक्तले काका नन्दलालको टाउकोमा लठ्ठी प्रहार गरेका थिए । जसका कारण उनको मृत्यु भयो । प्रहरीले अभियुक्तले बताए अनुसार हत्यामा प्रयोग भएको लठ्ठी पनि बरामद गरेको छ ।
घटनापछि पनि आफ्नी काकीसँग कुरा गरेको आरोपितले बताए । त्यतिबेला काकी आमाको घरमा गइन् । यति मात्र होइन, काकाको हत्या गरेर राति घर आएर सुते । केही बेरपछि उठेर हेर्न जाँदा काका मरेका थिए । प्रहरीले अभियुक्तलाई बुधबार अदालतमा पेश गरेको थियो । त्यहाँबाट उनलाई जेल पठाइएको छ ।
