पाल्पा । पाल्पाको बैकुण्ठे पहाडमा भएको जिप दुर्घटनामा एक पुरुष, तीन महिला र दुई बालकले ज्यान गुमाएका छन् । उनीहरुको पहिचान भने अझै खुलेको छैन ।
रानी महलतर्फ जाँदै गरेको बाग्मती प्रदेश ७२०९ नम्बरको जिप आइतबार अपराह्न बैकुण्ठे पहाडबाट बराङ्गदी खोलामा खसेको थियो । पाल्पाका एसपी हेरम्ब शर्माका अनुसार जिप चालक घाइते भएका छन् । दुर्घटनास्थल खोँच रहेकाले उद्धारमा कठिनाइ भएको प्रहरीले जनाएको छ ।
प्रकाशित मिति : २०८० कार्तिक ५ गते आइतवार
