२ कात्तिक, काठमाडौं । त्रिकोणात्मक क्रिकेट शृंखलामा हङकङविरुद्ध टस जितेर फिल्डिङ गर्ने निर्णय गरेको नेपालले चमत्कारीक बलिङ गरेको छ ।
मुलपानीस्थित क्रिकेट मैदानमा नेपालले हङकङविरुद्ध १४ रन नजोड्दै ४ विकेट ढालेको छ । नेपालले हिजो यूएईविरुद्ध खेलेको टिमलाई नै मैदान उतारेको छ । करण केसीले लगातार तीन विकेट लिए भने सोमपाल कामीले एक विकेट लिए ।
करणले पहिलो बलमा नै कप्तान निजाकात खानलाई बोल्ड गरे । २.३ ओभरमा अंशुमन रथलाई करणले नै मैदान बाहिर पठाए । ३.६ ओभरमा सोमपाल कामीले मार्टिन कोएत्ज़ीलाई ढलाए । ४.३ ओभरमा करण केसीको बलमा कुशल भुर्तेलले क्याच गर्दै हायतलाई घर फर्काए ।
प्रकाशित मिति : २०८० कार्तिक २ गते बिहिवार
