अबुधाबी । कोही विदेश घुम्न जान्छन् त कोही धेरै पैसा कमाउने सपना बोकेर अर्काको भूमिमा काम गर्न जान्छन् । नेपालको तुलनामा यूएईमा तलब बढी हुने भएकाले धेरै नेपाली र भारतीयहरुसँग विश्वका धेरै मुलुकमा मानिस त्यहाँ छन् । आप्रवासी समेत जो कोहीले त्यहाँको कानून जान्न जरुरी छ ।
बेलैमा त्यहाँको कानून जान्नुभएन र यदि तपाईले कुनै कुरा उल्लङ्घन गर्नुभयो भने, तपाई जेल जान सक्नुहुन्छ। भर्खरै दुबईमा एक बेलायती नागरिक ड्राइभरलाई औंला देखाएको आरोपमा पक्राउ परेको खबर आएको छ । पक्राउपछि उक्त व्यक्तिलाई कानूनी कारबाही गरी अदालतमा पेस गरिनेछ । उनको अपराध प्रमाणित भए सजाय पनि हुन सक्छ ।
हामी यहाँ केही सामान्य गल्तीहरुको बोलेमा उल्लेख गर्दैछौं । जुन थाहा नपाएर तपाईलेपनि गर्नुभयो भने जेल जानुपर्ने हुन्छ । यी गल्तीहरु यूएईमा पुगेर तपाई कोहीलेपनि गर्दै नगर्नुहोस् । आफूले हेरिसकेपछि सबैको जानकारीका लागि सक्दो सेयर गरिदिनुहोस् ।
दुबई, अबुधाबी लगायत यूएई भरी नगर्नुहोस् यी काम
- दुबईमा कसैलाई अश्लिल इशारा गरेको खण्डमा पक्राउ पर्नुहुन्छ । यसका लागि कठोर कानून छ ।
- श्रीमान–श्रीमती बाहेक पुरुष र महिलाहरु होटको कोठामा समातिए पक्राउ गरिन्छ । उनीहरूलाई अपराधी मानिन्छ।
- दुबईको सडकमा कुनै पुरुष वा महिलाले खुलेआम चुम्बन गरेमा पक्राउ गरिनेछ ।
- पुरुषहरूले आफ्नो लुगामा विशेष ध्यान दिनुपर्छ । पुरुष भएर महिलाको जस्तो लुगा लगाएको पाइए पक्राउ पर्नुहुन्छ ।
- फेसबुक, व्हाट्सएप जस्ता सामाजिक सञ्जालमा अपमानजनक भाषाको प्रयोगलाई पनि अपराध मानिन्छ।
- सार्वजनिक स्थानमा मदिरा सेवन गर्नु अपराध हो ।
- रमजानमा कुनै पनि व्रत बस्नेको अगाडि भूलवश पनि कुनैपनि कुरा नखानुहोस् । यसलेपनि जेल पुर्याउँछ ।
- कुनै पनि महिलाको अनुमति बिना उनको फोटो खिच्नु पनि अपराध हो ।
यदि तपाई यूएई हुनुहुन्छ वा भविष्यमा जानुहुन्छ भने माथि लेखिएका सामान्य कुराहरू दिमागमा राख्नुहोस्। नत्र सजाय हुन सक्छ ।
