तेल अबीब । बेलायती प्रधानमन्त्री ऋषि सुनक द्वन्द्वलाई थप चर्किन नदिन वार्ताका लागि इजरायल पुगेका छन् । बेलायती प्रधानमन्त्री ऋषि सुनक हमास–इजरायल द्वन्द्वको वृद्धिलाई रोक्न र गाजा पट्टीका नागरिकहरूलाई मानवीय सहायतामा जोड दिन क्षेत्रीय नेताहरूसँग वार्ताका लागि मध्यपूर्वको दुई दिने भ्रमणमा बिहीबार इजरायल आइपुगेका हुन्।
सुनकले तेल अबीब पुग्ने बित्तिकै एक्स मा पोष्ट गर्दै भने, “म इजरायलमा छु, यो देश अहिले शोकमा छ। म पनि तपाईसँग दुखी छु र आतंकवादको नराम्रो विरुद्धमा आज र सधैं तपाईको साथमा उभिन्छु । सुनक अघि अमेरिकी राष्ट्रपति जो बाइडेनले इजरायलको भ्रमण गरेका थिए।
अक्टोबर ७ मा गाजाबाट हमासका आतंककारीहरूले इजरायलमा अप्रत्याशित हमला गरेपछि धेरै देशका नेताहरूले हमाससँगको द्वन्द्व फराकिलो क्षेत्रमा फैलिन नदिन प्रयासहरू तीब्र पारेका छन्। इजरायल भ्रमणको क्रममा सुनकले मध्यपूर्वका अन्य प्रमुख देशहरूको राजधानीको यात्रा गर्नेछन् । द्वन्द्वमा मारिएका नागरिकहरूप्रति समवेदना व्यक्त गर्न इजरायली प्रधानमन्त्री बेन्जामिन नेतान्याहू र राष्ट्रपति इसाक हर्जोगसँग भेट गर्नेछन्।
इजरायल पुगेपछि सुनकले पत्रकारहरूसँग भने, “सबैभन्दा ठूलो कुरा म इजरायली जनताप्रति ऐक्यबद्धता व्यक्त गर्न यहाँ आएको हुँ। उहाँहरुले आतंकवादको अकल्पनीय डरलाग्दो कार्य भोग्नुपरेको छ । म उहाँहरुलाई भन्न चाहन्छु कि बेलायत र म इजरायली नागरिकको पक्षमा उभिएको छु।
