२६ असोज, काठमाडौं । आज साताको अन्तिम दिन शुक्रवार सुनको मूल्य झनै बढेको छ । पछिल्लो एक सातादेखि निरन्तर ओरालो लागेको सुनको मूल्य बिहीवारबाट फेरि उकालो चढेको छ ।
योसँगै छापावाल सुनको प्रतितोला मूल्य एक लाख १० हजार १ सय र तेजावी सुनको मूल्य एक लाख ९ हजार ५५० रुपैयाँ कायम भएको छ । बिहीवार छापावाल सुनको प्रतितोला मूल्य एक लाख ९ हजार ५ सय तोकिएको थियो ।,
शनिबार प्यालेस्टाइन विद्रोही हमास समूहले इजरायलमा आकम्रण भएयता सुनको मूल्य तोलामा १६ सय रुपैयाँले बढेको थियो । गत शुक्रबार एक लाख ७ हजार ३ सय रुपैयाँमा कारोबार भएको छापावाल सुनको मूल्य मंगलबार एक लाख ८ हजार ९ सय रुपैयाँ पुगेको थियो । आज एक लाख १० हजार १ सय पुगेको छ । चाँदीको मूल्य भने शुक्रबार अघिल्लो दिनको तुलनामा घटेको छ । बिहीवार चाँदीको प्रतितोला मूल्य १ हजार ३५० रुपैयाँ कायम भएको थियो भने आज शुक्रबार चाँदीको प्रतितोला मूल्य १ हजार ३४५ कायम भएको छ ।
