काठमाडाैं, असोज २५ । झापाको अर्जुनधारामा एमाले नेता महेश बस्नेत सहभागी कार्यक्रम बिथोल्न गएका पहिचानवादी पक्षधर र दुर्गा प्रसाईका कार्यकर्ताले एमाले नेता कार्यकर्ताका गाडी तोडफोड गरेका छन् ।
बिहीबार अर्जुनधारामा राष्ट्रिय युवा संघको कार्यक्रम चलिरहेका बेला एमाले नेता कार्यकर्ताले पार्किङमा राखेका सवारी साधन तोडफोड भएका हुन् । अर्जुनधारा नगर कमिटीको अधिवेशन कार्यक्रममा सहभागी हुन गएका नेता कार्यकर्ताको गाडी तोडफोड भएको जनाइएको छ ।
डीआइजी राजेशनाथ बास्तोलाका अनुसार तोडफोडबाट सात वटा गाडीका सिसा फुटेका छन् । तोडफोडमा संलग्न पहिचानवादी र दुर्गा प्रसाईका कार्यकर्ता भएको र तोडफोडमा संलग्नको खोजी भएपनि पक्राउ परिनसकेको डीआइजी बास्तोलाले बताए ।
प्रकाशित मिति : २०८० असोज २५ गते बिहिवार
