काठमाडौं । साफ यु–१९ च्याम्पियनसिपको सेमिफाइनलको हाफ पछिको खेलमा नेपालले गोल फर्काएको छ । नेपाल र भारत एक–एक गोलको बराबरी भएको छ । ७४ मिनेटमा नेपालका लागि समीर तामाङले बराबरी गोल फर्काएका हुन् ।
यसअघि भारतले २६ मिनेटमा गोल गर्दै अग्रता लिएको थियो । भारतका गोम्सर गोयारीको हेडरलाई साहिल खुर्सिदले डिबक्स भित्रैबाट पोष्टमा प्रहार गरेका हुन् ।
नेपाल समूह एको उपविजेता बन्दै सेमिफाइनल प्रवेश गरेको हो भने भारत समूह बीको विजेता टिम हो । अहिलेको खेल जित्नेले फाइनलमा पाकिस्तानसँग खेल्ने छ ।
प्रकाशित मिति : २०८० असोज १० गते बुधवार
