काठमाडौं । नक्कली भुटानी शरणार्थी प्रकरणमा ३० जनाविरुद्ध मुद्दा दायर भएको छ । जिल्ला सरकारी वकिलको कार्यालय काठमाडौंले ३० जनाविरुद्ध बुधवार मुद्दा दायर गरेको हो ।
उनीहरूमाथि ठगी, किर्ते, राज्यविरुद्धको अपराध र सङ्गठित अपराधमा मुद्दा दर्ता गरिएको छ । काठमाडौं जिल्ला अदालतमा दर्ता गरिएको मुद्दामा आरोपितहरूबाट कुल २८ करोड ८१ लाख रुपैयाँ बिगो दाबी गरिएको छ ।
सरकारी वकिलको कार्यालयले सम्पत्ति शुद्धीकरण विभाग र अख्तियार दुरुपयोग अनुसन्धान आयोगलाई पनि आरोपीहरूविरुद्ध अनुसन्धान गर्न अनुरोध गरेको छ । मुद्दा दर्ता भएका ३० जनामध्ये १४ जना फरार छन् । आरोपित निम्नानुसार रहेका छन्
- केशवप्रसाद दुलाल
- सानु भण्डारी
- सागर राई
- सन्देश शर्मा
- टंककुमार गुरुङ
- इन्द्रजित राई
- टोपबहादुर रायमाझी
- सन्दिप रायमाझी
- टेकनारायण पाण्डे
- नरेन्द्र केसी
- गोविन्दकुमार चौधरी
- रामशरण केसी
- बालकृष्ण खाण
- आङटावा शेर्पा
- शमशेर मियाँ
- टेकनाथ रिजाल
- केशव तुलाधर
- लक्ष्मी महर्जन
- हरिभक्त महर्जन
- अशोक पोखरेल
- धिरेन राई
- दिपा हुमागाञी
- निरज राई
- राजेश अर्याल
- मोहनराज राई
- आशिष बुढाथोकी
- बिनिता सावदेन लिम्बू
- निरन्ज कुमार खरेल
- सुनिल बुढाथोकी
- प्रतिक थापा
मुद्दा दायर भएपछि अब अदालती प्रक्रिया शुरू हुन्छ । गोलाप्रथाबाट न्यायाधीशको इजलास चयन हुन्छ अनि त्यसपछि सबै प्रतिवादीको बयान शुरू हुन्छ । बयान सकिएपछि थुनछेक बहस शुरू हुन्छ ।
थुनामा राखेरै बाँकी कारबाही अगाडि बढाउने कि धरौटीमा रिहा गरेर गर्ने भन्ने कुरा त्यसपछि तय हुने कुराहरु हुन् । थुनछेकको आदेश आएपछि मुद्दाको अर्को प्रक्रिया अगाडि बढ्ने छ ।
